د معمار خبري اژانس د راپور له مخي؛ د افغانستان د آزادۍ جبهې ادعا کړې چې په پروان ولایت کې په یوه برید کې دوه وسلهوال طالبان وژل سوي او دوه نور يي ټپیان سوي دي .
دې جبهې په یوې خبرپاڼې کې اعلان کړی چې دغه برید د پنجشنبې شپې، د ۱۶ دلو په ورځ، د پروان ولایت په مرکز چاریکار ښار کې د طالبانو د جلب او جذب پر مرکز سوی دی.
د افغانستان د آزادۍ جبهې د ادعا پر اساس، په دې پېښه کې د دې جبهې ځواکونو ته کوم زیان نه دی رسیدلی.
همدارنګه، د افغانستان د آزادۍ جبهې په کندز ولایت کې د دوه تنو وسلهوالو طالبانو د وژل کېدو مسوولیت هم په غاړه اخیستی دي.
د طالبانو مخالفې جبهې کله نا کله د دې ډلې پر ځواکونو په بېلابېلو ولایتونو کې د بریدونو مسوولیت اعلانوي.
