د معمار خبری آژانس د راپور له مخې، د زلزله ځپلو لپاره د تاجکستان له لوري د بشري مرستو لومړنی کاروان ننگرهار ولایت ته ورسېد.
احسانالله عثماني، د ننگرهار د والي ویاند، د شنبې په ورځ (۲۴ سنبله) وویل، دا مرسته چې ټولټال ۳۰۰ ټنه وزن لري، په ۹ لاریو کې بار سوې وه او د ننگرهار مسؤلینو ته وسپارل سوه.
د هغه په وینا، په دې مرستو کې وریجې، بوره، غوړي، خیمې، کمپلې، لاسکراچۍ او نور لومړني اړین توکي شامل دي چې د وروستۍ زلزلې د زیانمنو سویو کورنیو لپاره دي.
عثماني زیاته کړه، دغه مرستې به ډېر ژر د اړوندو ادارو په همغږۍ د هغو کورنیو ترمنځ وویشل سي چې د زلزلې له امله زیانمنې سوې دي.
