د معمار پرس د خبر له مخې؛ د پاکستان ورځپاڼې “دان” نن، یکشنبه، د اسد ۱۲مه، په پېښور کې د افغان سوداګرو اتحادیې له قوله ویلي چې له هیواد څخه ۴۰،۰۰۰ سوداګرو د ښار په بیلابیلو اقتصادي سکتورونو کې پانګونه کړې ده.
د اتحادیې مشر سید نقیب بادشاه د دغو سوداګرو ایستل غیر منطقي وبلل او ویې ویل چې ځینو یې له یو ملیارد روپیو څخه ډیرې پانګونه کړې ده.
دا په داسې وخت کې راځي چې د افغان کډوالو لپاره د لنډمهاله استوګنې کارتونو د اعتبار موده تیره میاشت پای ته ورسیده او د پاکستان د کورنیو چارو وزارت د دوی د تمدید څخه ډډه کړې ده.
دې پریکړې یو ملیون افغان کډوال د نامعلوم راتلونکي سره مخ کړي او د نیوکې څپې یې رامینځته کړې دي.
