د معمار پرس د خبر له مخې؛ د شنبې په ماښام (د اسد ۴مه)، د پاکستان پلازمینه اسلام آباد د یوې لویې امنیتي غونډې کوربه توب وکړ چې د متحده ایالاتو، قزاقستان، قرغزستان، تاجکستان، ازبکستان او پخپله پاکستان لوړ پوړو پوځي قوماندانانو پکې ګډون کړی و.
د دې غونډې موخه د امنیتي اړیکو پیاوړتیا، د ترهګرۍ پر وړاندې د مبارزې په برخه کې د تجربو تبادله او د ګډو روزنیزو پروګرامونو پراخول دي.
د پاکستان پوځ اعلان وکړ چې دا غونډه د امنیتي همکارۍ د پیاوړتیا او د پوځي ډیپلوماسۍ د پرمختګ لپاره ډیزاین شوې وه.
