د طالبانو د ملي معیارونو ادارې تخنیکي مرستیال، آصف قانت، په افغانستان کې د اروپايي ټولنې د شارژدافیر، ویرونیکا سره ولیدل، ترڅو د خصوصي سکتور د پیاوړتیا او اروپایي بازارونو ته د افغان محصولاتو د صادراتو د پراختیا په لارو چارو بحث وکړي.دا غونډه د کورنیو محصولاتو د معیاري کولو او د سوداګریزو خنډونو د لرې کولو په اړه متمرکزه وه.
د معمار پرس د خبر له مخې؛ د طالبانو د ملي معیارونو ادارې او اروپايي ټولنې په خپله وروستۍ غونډه کې د محصولاتو د معیاري کولو په برخه کې د همغږۍ اړتیا باندې ټینګار وکړ.
د دې همکارۍ هدف د افغان محصولاتو د کیفیت ښه کول او په اروپا کې د مناسبو بازارونو موندل دي.
