د معمار پرس د خبر له مخې؛ د ملګرو ملتونو د بشري چارو مرستیال سرمنشي ټام فلیچر، اعلان وکړ چې د سازمان د بیړنیو مرستو له صندوق څخه ۱۰ ملیون ډالر افغانستان ته د راستنیدونکو افغان کډوالو د ملاتړ لپاره ځانګړي شوي دي.
هغه د سرطان په ۳۱مه، د سه شنبې په ورځ په خپل ایکس پیج کې ولیکل چې دا مرسته د ناوړه ګټه اخیستنې او استحصال څخه د ډیرو زیان منونکو راستنیدونکو د ساتنې لپاره ځانګړې شوې ده.
فلیچر ټینګار وکړ چې دا مرسته به د هغو کډوالو د سمدستي اړتیاوو د پوره کولو لپاره وکارول شي چې په ډله ایزه توګه راستنیږي او په افغانستان کې پاتې کیږي.
