د معمار پرس د خبر له مخې؛ د بحرین ولیعهد او صدراعظم سلمان بن حمد آلخلیفه د چهارشنبې په ورځ په واشنګټن کې د امریکا له ولسمشر ډونالډ ټرمپ سره د لیدنې پر مهال اعلان وکړ چې د هغه هیواد به په متحده ایالاتو کې د صنعت، ټیکنالوژۍ او انرژۍ سکتورونو کې ۱۷ ملیارد ډالر پانګونه وکړي.
د امریکایي سرچینو په وینا، د دې ټولټال شاوخوا ۷ ملیارد ډالر د بوینګ څخه د ۱۲ مسافر وړونکو الوتکو او د ګلف ایر لپاره د جنرال الیکټریک څخه د ۴۰ انجنونو پیرودلو لپاره ځانګړي شوي دي.
د سپینې ماڼۍ یوه لوړ پوړي چارواکي، چې نه یې غوښتل نوم یې واخیستل شي، رویټرز ته وویل چې دا تړونونه به په امریکا کې شاوخوا ۳۰،۰۰۰ خلکو ته د کار زمینه برابره کړي.
