د معمار پرس د خبر له مخې؛ د دې استوګنځای جوړول د هغو مراسمو په ترڅ کې پیل شول چې د صدراعظم مرستیال عبدالسلام حنفي، د کډوالو د چارو د عالي کمیسیون مشر، د ښاري پراختیا او کور جوړونې وزیر، د کابینې غړو او په هرات کې د طالبانو والي پکې ګډون کړی و.
د طالبانو د صدراعظم مرستیال ټینګار وکړ چې دا استوګنځای د کډوالو لپاره د کور او اساسي خدماتو په برابرولو کې یو مهم ګام دی.
دا استوګنځای به د زنده جان ولسوالۍ په دشت ترکه سیمه کې په دوو پړاوونو کې جوړ شي، چې لومړی پړاو به یې ۳۰۰۰ جریبه ځمکه پوښي.
د دې پروژې هدف د راستنیدونکو لپاره د کور، روغتیا او تعلیمي خدماتو په څیر د اساسي اسانتیاوو په برابرولو سره میشت کول دي.
حنفي اعلان وکړ چې طالبانو د هیواد په ۲۵ ولایتونو کې د کډوالو لپاره ۳۵ استوګنځایونه جوړ کړي یا یې جوړوي.
