د معمار پرس د خبر له مخې؛ د طالبانو د حکومت د صنعت او سوداګرۍ وزارت سرپرست نورالدین عزیزي، نن چهارشنبه، د سرطان ۴مه په کابل کې د یوې غونډې په ترڅ کې د نوي کیدونکي انرژۍ پراختیا او د هیواد د صادراتو او ناخالص کورني تولید په زیاتولو ټینګار وکړ.
عزیزي د نوي کیدونکي انرژۍ په غونډه کې وویل چې دا فابریکې باید د بدیل انرژۍ سرچینې وکاروي ترڅو زیان رسونکي ګازونه کم کړي.
هغه زیاته کړه چې د هغه وزارت هڅه کوي چې صادرات درې ملیارد ډالرو او ناخالص کورني تولید ۲۵ ملیارد ډالرو ته لوړ کړي.
د طالبانو د صنعت او سوداګرۍ وزارت اعلان وکړ چې د وزارت د پروګرامونو پلي کول به د ۵۰۰،۰۰۰ خلکو لپاره د کار فرصتونه رامینځته کړي.
د طالبانو چارواکو مخکې له دې د صنعتي سکتور ملاتړ او په هیواد کې صنعتکارانو ته د اسانتیاوو برابرولو اعلان کړی و.
