د معمار پرس د خبر له مخې؛ په تهران کې د افغانستان سفارت په ایران کې د مهاجرینو د پیژندنې په اړه په یوه اعلامیه کې اعلان وکړ چې د ایران د کورنیو چارو وزارت د بهرنیو اتباعو او کډوالو چارو مرکز سره د یوې موافقې وروسته، نور د “هویت تصدیق” کارت ترلاسه کولو ته اړتیا نشته.
په تهران کې د افغانستان سفارت لخوا په خپره شوې اعلامیه کې راغلي: “دا ټولو ګرانو مهاجرینو ته خبر ورکول کیږي چې په تهران کې د افغانستان سفارت او د ایران د کورنیو چارو وزارت د اتباعو څانګې ترمنځ د شوي تفاهم پر بنسټ، او په ایران کې د افغان مهاجرینو د استوګنې د قانوني کولو د پروسې په تړاو، نور د هویت تصدیق کارت لپاره غوښتنه کولو ته اړتیا نشته.”
