د معمار پرس د خبر له مخې؛ په شپږو ولایتونو کې دا پانګونه د نوي کیدونکي انرجۍ پروژو او د بریښنا زیربنا پیاوړتیا باندې متمرکزه ده.
په دې پروژو کې په بلخ کې د ۴۰ میګاواټه لمریزې بریښنا تولید، په هرات کې ۵ میګاواټه او په لغمان کې ۱۰ میګاواټه شامل دي.
په هرات کې به ۴۳.۲ میګاواټه بادي بریښنا او په ننګرهار کې ۴۰ میګاواټه لمریزې بریښنا هم تولید شي.
د کجکي بند څخه کندهار ته د ۱۱۰ کیلو واټه بریښنا مزي غځول هم پدې پانګونو کې شامل دي.
د دې پروژو تولیدي ظرفیت ۱۳۸.۴۵ میګاواټه دی، چې ۱۰۰،۰۰۰ کورنۍ او سلګونه فابریکې بریښنا چمتو کوي.
د یادونې وړ ده چې د جګړې او ناامنۍ کلونو د افغانستان د بریښنا سکتور له ګڼ شمیر کمښتونو سره مخ کړی او د هیواد اقتصادي پرمختګ یې ګډوډ کړی دی.
