د معمار پرس د خبر له مخې؛ د وزارت دریم سیاسي رییس ذاکر جلالي په خپل X پاڼه کې لیکلي چې د طالبانو د حکومت د بهرنیو چارو وزارت سرپرست امیر خان متقي د قدیر د کورنۍ له غړو سره ولیدل او د هر افغان په وړاندې یې د نظام مسؤلیت باندې ټینګار وکړ.
متحده ایالاتو له کینیا څخه وغوښتل چې قدیر وسپاري.
خو د قدیر مدافع وکیل د خپل موکل پر وړاندې تورونه رد کړي دي.
ظاهر قدیر شاوخوا درې اونۍ وړاندې د کینیا په پلازمېنه نایروبي کې د مخدره توکو د قاچاق او وسلو د لرلو په تور ونیول شو.
همدارنګه، د هغه پر ضد د امریکا په یوه محکمه کې قضیه ثبت شوې ده.
