د معمار پرس د خبر له مخې؛ که څه هم د بې کارۍ کړکېچ د افغانستان د تر ټولو جدي اقتصادي ننګونو څخه یو دی، د صنعت او سوداګرۍ وزارت اعلان کړی چې د دې ستونزې د کمولو لپاره یې د ۵۵۰،۰۰۰ کاري فرصتونو د رامنځته کولو ژمنه کړې ده.
د صنعت او سوداګرۍ وزارت په دوام وویل چې دا اقدام د کار او ټولنیزو چارو وزارت سره په ګډه همکارۍ کې ترسره کیږي او د کارموندنې او دوامداره پرمختګ په لور یو مهم ګام ګڼل کیږي.
د صنعت او سوداګرۍ وزارت د رسمي اعلامیې له مخې، دا غونډه د ” د کار ملي کنفرانس” د ژمنو د پلي کولو د پروسې یوه برخه ده او تمرکز یې په راتلونکو کلونو کې د افغان اتباعو لپاره د کار فرصتونو پراخول دي.
په دې غونډه کې، مولوي احمدزي روښانه کړه چې د ملي کارګر کنفرانس عمومي هدف په راتلونکو پنځو کلونو کې شاوخوا یو نیم ملیون دندې رامینځته کول دي، او د صنعت او سوداګرۍ وزارت د دې دندو څخه د 550,000 د رامینځته کولو مسؤلیت په غاړه اخیستی دی.
