د امریکا ولسمشر ډونالډ ټرمپ د دوشنبې په ورځ اعلان وکړ چې په بهر کې تولید شویو فلمونو باندې به ۱۰۰٪ تعرفه ولګول شي.
د دې پریکړې هدف د امریکایی فلم صنعت ملاتړ کول او نورو هیوادونو ته د هالیوډ تولیداتو لیږد سره مبارزه کول دي.
ټرمپ د ټولنیزو رسنیو د “Truth” په پلیټ فارم کې دا اقدام اړین وباله او ویې ویل چې د کاناډا او آسټرالیا په څیر هیوادونه د مالیې هڅونې سره امریکایی تولیدونکي راجلبوي.
هغه دا پروسه “ملي امنیت ته ګواښ” وبلله. د امریکا د سوداګرۍ وزیر هم تایید کړه چې وزارت یې د ټرمپ امر پلي کوي.
په دې وروستیو کلونو کې، په نورو هیوادونو کې د هالیوډ د لویو فلمونو تولید زیات شوی دی.
