د معمار پرس د خبر له مخې؛ د هند دفاع وزیر راجنات سینګ د کشمیر په پهلګام ولسوالۍ کې د ترهګریز برید له امله د بریا د ورځې په مراسمو کې د ګډون لپاره د روسیې پلازمینې مسکو ته خپل پلان شوی سفر لغوه کړ.
ټاکل شوې وه چې په دې مراسمو کې د هند د لومړي وزیر نارندرا مودي په استازیتوب سینګ ګډون وکړي.
دا پریکړه په کشمیر کې د امنیتي وضعیت له بیاکتنې وروسته وشوه، چیرې چې تیره میاشت یوه ترهګریز برید کې یو شمیر هندي امنیتي ځواکونه ووژل شول.
دې پېښې د هېواد د حساسو سیمو د امنیت په اړه جدي اندیښنې راپورته کړې دي.
