د معمار پرس د خبر له مخې؛ د افغانستان د ملي مقاومت د عالي شورا یوه پلاوي، چې مشري یې محمد محقق کوله، ایران ته د رسمي سفر په ترڅ کې د افغان کډوالو، په ځانګړې توګه هغو کسانو چې د طالبانو له واکمنۍ وروسته له خطر سره مخ دي، د ملاتړ لپاره یو پلان وړاندې کړ.
دا غونډه د ثور په ۹مه د بهرنیو چارو، کورنیو چارو او مهاجرت چارو د وزارتونو د ایراني چارواکو په شتون کې جوړه شوه.
د مقاومت شورا د مهاجرینو، په ځانګړې توګه د پخوانیو حکومتي کارمندانو، قاضیانو، پولیسو افسرانو او سیاسي فعالانو د وضعیت په اړه اندیښنه څرګنده کړه، چې د اخراج او جبري راستنیدو له خطر سره مخ دي.
له مفصلو بحثونو وروسته، دواړو خواوو موافقه وکړه چې وړاندیز شوی پلان به د ایراني ادارو لخوا بیاکتنه شي او پایلې به یې شورا ته اعلان شي.
