د معمار پرس د خبر له مخې؛ د طالبانو د اطلاعاتو او کلتور وزارت مرستیال عتیق الله عزیزي اعلان وکړ چې هغه کتابونه چې د هغه په وینا “د افغان ټولنې او کلتور ارزښتونو” سره په ټکر کې وي، د خپرولو اجازه به ورنکړل شي.
هغه پر افغان لیکوالانو غږ وکړ چې داسې اثار جوړ کړي چې “د افغانستان واقعیتونه” منعکس کړي.
دا څرګندوني، د طالبانو د اطلاعاتو او کلتور وزارت لخوا د “د هرچا لپاره کتابونه” تر سرلیک لاندې په یوه غونډه کې وشوې.
په دې غونډه کې، د طالبانو د اطلاعاتو او کلتور مرستیال وزیر وویل چې د هغو کتابونو خپرول چې “ملي یووالي ته زیان رسوي” منع دي.
