د معمار پرس د خبر له مخې؛ د ایران د بهرنیو چارو وزارت اعلان کړی چې د ایران او دریو اروپايي هیوادونو، بریتانیا، فرانسې او جرمني (چې د E3 ډلې په نوم پیژندل کیږي) ترمنځ به یوه نوې غونډه د جمعې په ورځ د ایټالیا په پلازمینه روم کې ترسره شي.
د ایران د اسلامي جمهوریت د بهرنیو چارو وزیر سید عباس عراقچي د چهارشنبې په ورځ، د اپریل په ۳۰مه، د ایران له دولتي رسنیو سره په یوه مرکه کې وویل چې دا خبرې اترې به د ایران او امریکا ترمنځ د خبرو اترو له راتلونکي پړاو څخه مخکې ترسره شي.
عراقچي زیاته کړه: “که څه هم د ایران په اټومي مسله کې د اروپایي هیوادونو رول د دوی د غلطو پالیسیو له امله کم شوی دی، تهران لاهم چمتو دی چې ورسره خبرې وکړي.”
