د معمار پرس د خبر له مخې؛ د ایران د اسلامي مشورتي شورا د ملي امنیت کمیسیون او د خراسان رضوي ولایت د امنیت شورا ترمنځ په ګډه غونډه کې، د ایران د کورنیو چارو وزیر اسکندر مومني د “ملي مهاجرت سازمان” د جوړولو لپاره پارلمان ته د یوې لایحې د وړاندې کولو اعلان وکړ.
دا غونډه چې د پنجشنبې په ورځ په مشهد ښار کې جوړه شوه، په مهمو مسلو لکه د مهاجرینو تنظیم، د سرحدونو بندول، د سرحدي اقتصاد او د ملي مهاجرت سازمان د قانون بیاکتنه باندې متمرکزه وه.
د ایران د کورنیو چارو وزیر په خپله وینا کې وویل: “د ملي مهاجرت سازمان د قانون په تصویب او د دې واحد د مدیریت د ځانګړي اجرایوي رییس ته په سپارلو سره، د مهاجرت په برخه کې ډیر نظم او موثریت رامینځته کیداې شي.”
دا لایحه اوس د حکومت لخوا پارلمان ته لیږل شوې ده.
