د معمار پرس د خبر له مخې؛ د امریکا د کورني امنیت ادارې سلګونو افغان کډوالو ته، چې ژباړونکي او د امریکایي ځواکونو پخواني همکاران هم پکې شامل دي، له هیواده د وتلو امر کړی دی.
دې پریکړې په آیوا، یوتا او شمالي کارولینا ایالتونو کې پراخ لاریونونه راپارولي دي.
د امریکا حکومت ادعا کوي چې په افغانستان کې حالات ښه شوي او دا خلک ساتنې ته اړتیا نلري، خو د بشري حقونو فعالین وايي چې دا پریکړه غیر عادلانه او خطرناکه ده، ځکه چې طالبان لاهم د دې کډوالو ډیری لپاره ګواښ دی.
د مدني ټولنې سازمانونو له پناه غوښتونکو څخه غوښتي چې د وکیل له مشورې پرته هیڅ اقدام ونه کړي، ځکه چې ممکن د پاتې کیدو لپاره قانوني لارې شتون ولري.
