د معمار پرس د خبر له مخې؛ د طالبانو د صنعت او سوداګرۍ وزارت اعلان وکړ چې د افغانستان او قزاقستان د خصوصي سکتورونو ترمنځ د همکارۍ او سوداګرۍ لپاره ۲۰ تفاهم لیکونه د سې شنبې په ورځ د افغانستان-قزاقستان د سوداګرۍ په غونډه کې لاسلیک شول.
د طالبانو د صنعت او سوداګرۍ وزارت د یوې مطبوعاتي اعلامیې له مخې، په دې تړونونو کې د ۱۴۰ ملیون ډالرو په ارزښت ۱۷ سوداګریز تړونونه او په مختلفو اقتصادي برخو کې د همکارۍ درې تړونونه شامل دي.
د طالبانو د صنعت او سوداګرۍ وزیر نورالدین عزیزي وویل چې د طالبانو د واکمنۍ پر مهال د افغانستان او قزاقستان ترمنځ سوداګري ۳۲ سلنه زیاته شوې ده.
هغه زیاته کړه چې د تفاهم یادښتونه د دواړو هیوادونو ترمنځ د سوداګرۍ او اقتصادي اړیکو پراختیا منعکس کوي.
