د معمار پرس د خبر له مخې؛ د طالبانو د سرپرست حکومت د بهرنیو چارو وزارت اعلان کړی چې د چین جمهوریت د دې ډلې استازو ته د شانګهای همکارۍ سازمان په غونډه کې د ګډون بلنه ورکړې ده.
د یکشنبې په ورځ، د حمل په ۳۱مه، د وزارت لخوا په خپره شوې مطبوعاتي اعلامیه کې ویل شوي چې د طالبانو د مالي او ادارې مرستیال وزیر “محمد نعیم” په کابل کې د چین له سفیر “ژاو ژینګ” سره ولیدل او د شانګهای په غونډو کې د ګډون لپاره یې د ډلې استازو ته د رسمي بلنې له امله مننه څرګنده کړه.
د طالبانو د بهرنیو چارو وزارت په وینا، په دې غونډه کې دواړو خواوو د طالبانو د واکمنۍ لاندې د افغانستان او د چین جمهوریت ترمنځ د سیاسي، اقتصادي او کلتوري همکاریو د پراخولو په اړه بحث وکړ.
طالبانو دا هم ویلي چې دواړو هېوادونو د دوه اړخیزو اړیکو په پیاوړتیا او د اړیکو د پراختیا لپاره په ګډو هڅو ټینګار کړی دی.
