د معمار پرس د خبر له مخې؛ د راپورونو له مخې، د تورخم لاره، چې د افغانستان او پاکستان ترمنځ د سوداګرۍ او سفر لپاره یو له مهمو لارو څخه پیژندل کیږي، نن به بیا پرانیستل شي.
په ننګرهار کې د طالبانو والي مرستیال عزیزالله مصطفی وویل چې د تورخم سرحدي دروازه به نن (چهارشنبه، د حوت ۲۹مه) د غرمې په ۱:۰۰ بجو پرانیستل شي.
د هغه په وينا، پاکستاني لوري په دې اړه په تورخم کې د طالبانو له کمېشنر ملا عبدالجبار حکمت سره وکتل او د لارې د بيا پرانستلو لپاره يې هوکړې ته ورسېدل.
همدارنګه، په تورخم کې د افغانستان کمشنر عبدالجبار حکمت په دې اړه له پاکستاني چارواکو سره مهمې خبرې اترې کړې دي.
