د معمار پرس د خبر له مخې؛ د کډوالو او راستنیدونکو چارو وزارت اعلان وکړ چې د داخلي بې ځایه شویو او راستنیدونکو د ملاتړ لپاره یې د بشري سازمانونو سره د تفاهم دوه یادښتونه لاسلیک کړي دي.
د ۱۴۷،۷۱۲ ډالرو په ارزښت دا تفاهم لیکونه لاسلیک شوي دي، او د دې تړون پر بنسټ، ۳۶۰ کورنۍ به له دې مرستې څخه ګټه پورته کړي.
د دې تفاهملیک د لاسلیک مراسم د کډوالو او راستنیدونکو چارو وزارت د مرستیال الحاج مولوي عبدالرحمن راشد او د بشري سازمانونو د استازو په شتون کې ترسره شول.
افغانستان د داخلي بې ځایه شویو او ګاونډیو هیوادونو څخه راستنیدونکو خلکو له یوې لویې څپې سره مخ دی.
