د طالبانو د کورنیو چارو وزارت ویاند ټینګار وکړ چې د وزارت د مشر په مقام کې هیڅ بدلون نه دی راغلی او د سراج الدین حقاني د استعفا په اړه خپاره شوي راپورونه یې بې بنسټه او اوازې وبللې.
د معمار پرس د خبر له مخې؛ د طالبانو د کورنیو چارو وزارت ویاند عبدالمتین قانع د دوشنبې په ورځ (د حوت په ۲۷مه) د طالبانو د کورنیو چارو وزیر سراج الدین حقاني د استعفا په اړه د ځینو راپورونو په ځواب کې اعلان وکړ چې دا خبر په بشپړه توګه دروغ او بې اساسه دی.
قانع په یوه بیانیه کې وویل: “موږ په کلکه اعلان کوو چې سراج الدین حقاني له خپلې دندې استعفا نه ده ورکړې او دا اوازې ریښتیا نه دي.”
