د معمار پرس د خبر له مخې؛ د “اسلاموفوبیا پر وړاندې د نړیوالې ورځې” په مناسبت، د ملګرو ملتونو سرمنشي انتونیو ګوتریش په نړۍ کې د اسلاموفوبیا د زیاتوالي په اړه خبرداری ورکړ، او دوام یې ورکړ: “موږ د مسلمانانو په وړاندې د تعصب د اندیښنې وړ زیاتوالي شاهدان یو.”
ګوتریش په یوه پیغام کې چې نن (شنبه، د حوت ۲۵مه) په ډیجیټل پلیټ فارمونو کې خپور شو، وویل چې ډیری مسلمانان د روژې میاشت د تبعیض او حتی تاوتریخوالي له ویرې سره لمانځي.
په دې پیغام کې، ګوتریش د مسلمانانو په وړاندې د کرکې د بیان او آنلاین ځورونې د خپریدو د مخنیوي غوښتنه وکړه.
د ملګرو ملتونو سرمنشي زیاته کړه چي د مسلمانانو په وړاندې تعصب کې داسې شیان شامل دي لکه نژادي سپکاوی، تبعیضي پالیسۍ، او د ځینې کسانو او د هغوی د عبادت ځایونو په وړاندې ښکاره تاوتریخوالی.
