د معمار پرس د خبر له مخې؛ په ملګرو ملتونو کې د هند دایمي استازې، پرواتانني هریش، په افغانستان کې د ملګرو ملتونو د مرستندویه ماموریت په اړه د امنیت شورا په غونډه کې د طالبانو له حکومت سره د خپل هیواد پر دوامداره اړیکو او د افغانانو د ملاتړ ټینګار وکړ.
د ملګرو ملتونو امنیت شورا ته د هند استازي، د طالبانو له حکومت سره د خپل هیواد د اړیکو پر دوام ټینګار وکړ، او زیاته یې کړه: “موږ باید د افغانستان د ستونزو د حل لپاره د نړیوالې اجماع د رامنځته کولو هڅه وکړو.”
هغه وویل چې د روان کال په پیل کې، د هند د بهرنیو چارو وزیر ویکرام میسري په دوبۍ کې د طالبانو د بهرنیو چارو وزارت سرپرست امیر خان متقي سره ولیدل.
د غونډې په جریان کې، دواړو خواوو د دوه اړخیزو اړیکو او سیمه ایزو پرمختګونو په اړه خبرې وکړې، او طالبانو د هند د ملاتړ ستاینه وکړه.
