د معمار پرس د خبر له مخې؛ د بخښنې نړیوال سازمان د ښځو د نړیوالې ورځې (د مارچ ۸مه) په مناسبت په یوه راپور کې اعلان وکړ چې د افغان ښځو او نجونو لپاره سمبولیک ملاتړ کافي نه دی، ځکه چې د طالبانو سیستماتیک تبعیض او ظلم د افغان ښځو په وړاندې غیر انساني کچې ته رسیدلی دی.
د بخښنې نړیوال سازمان، د مارچ د اتمې نیټې، د ښځو د نړیوالې ورځې په مناسبت یو راپور خپور کړ، او اعلان یې وکړ چې د افغان ښځو په وړاندې د طالبانو تبعیض هغه مرحلې ته رسیدلی چې دا یې غیر انساني بولي.
په راپور کې راغلي دي: “د ښځو حقونه بشري حقونه دي؛ خو طالبانو د خپل بې رحمه کنټرول له لارې ښځې په خپلو کورونو او ټولنو کې په ناڅرګندو سیورو بدلې کړې دي.”
