د ایران د بهرنیو چارو وزیر او د طالبانو چارواکو د سیاسي، اقتصادي او کلتوري اړیکو پر پیاوړتیا ټینګار وکړ

د ایران د اسلامي جمهوریت د بهرنیو چارو وزیر سید عباس عراقچي د خپل یو ورځني سفر په جریان کې د طالبانو له چارواکو په شمول د طالبانو د بهرنیو چارو وزیر مولوي امیر خان متقي او د طالبانو صدراعظم ملا محمد حسن اخوند سره ولیدل او خبرې اترې یې وکړې. په دې غونډو کې، خواوو د اقتصادي، سیاسي او کلتوري همکاریو پر پراختیا ټینګار وکړ او د دواړو هېوادونو ترمنځ د تاریخي او سوداګریزو اړیکو پیاوړتیا یې خپل ګډ موخه وګڼل. عراقچي د ایران او افغانستان اړیکې دوستانه او ورورګلویزې وبللې او په بیلابیلو برخو کې یې د همکارۍ د زیاتوالي غوښتنه وکړه. طالب چارواکو هم هیله څرګنده کړه چې دا غونډې به د دواړو هېوادونو ترمنځ د اړیکو په ښه کولو کې مرسته وکړي.