د معمار پرس د خبر له مخې؛ د ایران د سیستان او بلوچستان ولایت د بندرونو او سمندري چارو د عمومي رییس او د طالبانو د اقتصادي او سوداګریز پلاوي ترمنځ په وروستۍ غونډه کې، د چابهار بندر د افغان توکو د لیږد لپاره تر ټولو اقتصادي او نږدې لاره معرفي شوه.
ایراني چارواکي ټینګار وکړ چې د چابهار بندر د هند سمندر خلاصو اوبو ته د لاسرسي او د سیستان او بلوچستان ولایت ته د نږدې والي له امله د افغان توکو د صادراتو او وارداتو د اسانتیا لپاره یو غوره انتخاب دی.
د ایران د سیستان او بلوچستان د بندرونو او سمندري چارو عمومي رییس په دې بندر او د چابهار آزاد زون کې د افغانستان د خصوصي سکتور د پانګونې د زیاتوالي پر اړتیا ټینګار وکړ.
هغه زیاته کړه چې د دې غونډې په جریان کې د دواړو هیوادونو ترمنځ د سوداګرۍ او ټرانزیټ همکارۍ د پیاوړتیا لپاره مهم ګامونه پورته شول.
