په هرات کې د پيسو د تبادلې ډله ييز نيول

د معمار پرس د خبر له مخې؛ په هرات کې سیمه ییزو سرچینو تایید کړې، چې طالبانو یو ځل بیا په دغه ولایت کې د اسعارو په بازارونو بریدونه کړي او لسګونه صرافان یې نیولي دي. سرچینې راپور ورکړی، چې د یکشنبې په ورځ د جدی په ۹مه طالب ځواکونو لسګونه جنګیالی د هرات ښار د تبادلې بازار ته واستول او لږ تر لږه ۲۵ صرافان یې ونیول. طالبانو ادعا کړې چې دا کار یې له جواز پرته د پیسو د تبادلې کوونکو د فعالیت له امله کړی دی. دې کړنې په دې ولایت کې د پانګونې او اقتصادي فعالیتونو د امنیت په اړه اندېښنې پیدا کړې دي.