سعودي عربستان د 2034 فیفا نړیوال جام کوربه وټاکل شو

د معمار پرس د خبر له مخې؛ د فوټبال د نړیوال فدراسیون (فیفا) د کوربه توب د غوراوي غونډه د سویس په زوریخ ښار کې تر سره شوه او د دې کنفرانس په جریان کې، د 2030 او 2034 نړیوال جام کوربه توب په رسمي توګه اعلان شو، که څه هم د کوربه توب انتخاب دمخه ټاکل شوی و. لکه څنګه چې تمه کیده، د 2034 نړیوال جام کوربه توب سعودي عربستان ته ورکړل شوی. دغه سیالۍ به د ۴۸ لوبډلو په ګډون ترسره شي. په ورته وخت کې سعودي عربستان یوازینی نوماند و چې د دې سیالۍ کوربه و. همدارنګه د ۲۰۳۰ کال د نړیوال جام کوربه توب، چې مخکې ټاکل شوی و، په رسمي ډول شپږو هېوادونو: ارجنټاین، یوراګوای، پاراګوای، هسپانیا، پرتګال او مراکش ته ورکړل شوی دی.