د معمار وحدت د خبري آژانس د خبر له مخې، په کندهار کې ځايي سرچینې نن سه شنبه د سنبلې ۲۲ مه ویلي، چې د طالبانو سرپرست وزیران د کابینې په غونډه کې د ګډون په موخه کندهار ته تللي دي.
د سرچينې د معلوماتو له مخې، د ملا هبت الله په مشرۍ د طالبانو د کابينې درېيمه غونډه په منډيګک ماڼۍ کې کېږي.
د سرچينې د معلوماتو پر بنسټ، په پام کې ده چې د طالبانو په دې غونډه کې د دغې ډلې د نړيوال مشروعيت، تر شپږم ټولګي پورته د نجونو د زده کړې، اقتصادي وضعيت او امنيت په اړه خبرې وشي.
د يادونې وړ ده، چې د ملا هبت الله په مشرۍ د طالبانو د کابينې په دويمه غونډه کې ښځينه زده کوونکو ته د شپږم ټولګي پورته د زده کړو اجازه ورکړل شوي وه. خو دا پرېکړه ډېر ژر لغوه شوه او د نجونو د ښوونځيو دروازې تړلې پاتې شوې.
