د ایران او افغانستان د سرحدي چارواکو ترمنځ دوه اړخیزې خبرې

د طالبانو د دفاع وزارت نن (دوشنبه د میزان ۹مه) د یوې اعلامیې په خپرولو سره د ایران د اسلامي جمهوریت له سرحدي چارواکو سره د لیدنې خبر ورکړ. په خبرپاڼه کې راغلي، چې د دواړو لورو ترمنځ د سرحدي همغږۍ مسایل د دې ناستې د تمرکز موضوع وه. دغه وزارت په ایکس کې ویلي چې د دې ډلې د بورډ مشر محمد رحیم خادم د “۲۰۷ الفارق قول اردو” د لسمې سرحدي لوا قوماندان و. د دې اعلامیې په یوه بله برخه کې راغلي چې د همغږۍ د لا ښه والي په موخه هوکړه وشوه چې دا ډول غونډې به په راتلونکي کې هم دوام ولري.