یحیی سنوار هغه مشر دی چې د مبارزې په لومړۍ کرښه کې شهید شو

یحیی سنوار په ۱۹۶۲ کال کې د غزې تړانګې په خان یونس ښار کې زیږیدلی او له ځوانۍ راهیسې د دغه غورځنګ له مخکښو فعالانو څخه و. سنوار د حماس د پوځي څانګې په جوړولو کې مهم رول لوبولی او له همدې امله د دغې ډلې یو له مهمو پوځي قوماندانانو څخه و. سنوار په ۱۹۸۷ کال کې د شیخ احمد یاسین له خوا د حماس د بنسټ ایښودلو سره سم له دغې ډلې سره یوځای شو. سنوار د خپل ژوند ۲۳ کاله د صهیونیسټي رژیم په زندانونو کښې تیر کړل او په دې موده کښې یې په عبراني ژبه زده کړه وکړه او هلته یې په داخلي سیاست پوه شو. هغه په ​​پوځي او سیاسي ډګر کې د پراخې تجربې خاوند و او د حماس په رهبرۍ کې یې مرکزي رول لوبولی او د اسرائیلي پوځ پر وړاندې د جګړې په ډګر کې راڅرګندېدل. هغه د “مجد” په نوم د حماس د امنیتي خدماتو بنسټ ایښودونکی و، چې د داخلي امنیتي قضیو (د اسراییلي جاسوسانو او نفوذي کسانو پیژندلو) پورې تړاو درلود. سنوار په دې باور و چې اسراییل باید له منځه یوړل شي او تل یې ټینګار کاوه چې په فلسطین کې د یهودانو لپاره ځای نشته. شهید سنوار د طوفان الاقصی په عملیاتو کې اغیزمن رول لوبولی او په دې باور وو چې د فلسطین د غاصب او نیواک څخه د خلاصون یوازینۍ لار وسله واله مبارزه ده. طوفان الاقصی وتوانید چې له عربو او اسلامی هیوادونو سره د اړیکو د عادي کولو او د صهیونیسټانو د تسلط لپاره د اسرائیلو ناوړه پلانونه له مینځه یوسي. هغه په ​​داسې حال کې د حماس مشري په غاړه واخیسته چې پخپله غزه کې له صهیونیسټانو سره په لومړۍ کرښه کې جنګیدل او له نیواکګرو سره یې مخامخ جګړه کوله. نیواکګرو هڅه وکړه چې نړۍ ته دا وښيي چې یحیی سنوار له ملکي خلکو څخه په جګړه کې د انساني ډال په توګه کار اخلي، خو هغه څه چې شاهدي یې ورکړه نړۍ یې حیرانه کړه او د دښمن د رسنیو منافقت یې په ډاګه کړ. دغه فلسطيني مبارز په داسې حال کې شهيد شو چې له غاصب دښمن سره يې په لاس کې توپک او د يوه ازاد فکره جنګيالي په څېر د فلسطين د ملت د دفاع په لاره کې جګړه کوله. هغه کولای شوای چې حماس د یوه خوندي ځای څخه رهبري کړي او د جګړې قومانده په غاړه واخلي، خو څنګه چې سنوار له دښمن سره مخامخ شو او شهادت یې د شریف قدس د ازادۍ لپاره د مبارزې یوه بیلګه شوه. د ټول عمر د جهاد ثواب يې يوازې شهادت وو چې د فلسطين په تاريخ کې به يې د شهيد سنوار نوم ابدي شي. که څه هم د دغه زړور او مبارز شهید شهادت د فلسطین او د مقاومت د محور لپاره ستره ضایعه ده، خو مسلمان او مسلمان ځوانان به په پوره قوت او هوډ سره خپلې لارې ته دوام ورکړي او د اسرائیلو تر تباهۍ پورې به ونه دریږي. د هنيه، سيد حسن نصرالله او سنوار په څېر د شهيدانو د وينو بيه يوازې د زمانې له صحنې څخه د غاصب رژيم په له منځه وړلو سره معلومېدای شي او د الله تعالی نصرت به هم د مجاهدينو او مبارزينو په لاس کې وي.