جرمني د پولو کنټرول سختوي

جرمني د خپل مهاجرت د پالیسۍ د یوې برخې په توګه د ټولو ځمکنیو سرحدونو د کنټرول لپاره نوي اقدامات معرفي کړي، چې د اروپا ګاونډیان یې په غوسه کړي دي. ګارډین لیکلي: جرمني د دوشنبې له ورځې څخه په خپلو ټولو ۹ ځمکنیو پولو کې موقتي چکونه پلي کړل. دا یو هغه عمل دی چې د ځینو اروپایي شریکانو لخوا یې نیوکې راپارولې، خو د سخت دریځو لخوا یې ستاینه وشوه. د جرمني ایتلافي حکومت تیره اونۍ دا اعلان وکړ چی دا به د کنټرول اقدامات چی اوس مهال د اسټریا، پولنډ، چک جمهوریت او سویس سره د پولو په اوږدو کې عملی کیږي، فرانسې، لوګزامبورګ، بلجیم، هالنډ او ډنمارک ته به هم وغځوي.