د ایران ولسمشر: ناقانونه کډوال به وشړل شي

د ایران ولسمشر وویل: موږ له افغان ملت سره وروڼه یو، خو اړتیا ده چې د دولتونو تر منځ چوکاټ وڅېړل شي او غیر قانوني مهاجرین و ایستل شي. د ایران ولسمشر مسعود پزشکیان د افغان مهاجرینو په اړه په خپل لومړي خبري کنفرانس کې وویل چې موږ افغانان سره وروڼه یو، خو د حکومتونو ترمنځ باید ځینې اصول مراعات شي. د ایران ولسمشر وویل: موږ د افغانستان د اتباعو په اړه د امنیت په عالي شورا کې درې غونډې کړې دي. د ایران د ولسمشر ډاکتر مسعود پزشکیان لومړنی مطبوعاتي کنفرانس نن ماښام د تهران په ښار کښې د کورنیو او بهرنیو خبریالانو په شتون کښې ترسره شو.