طالبانو په خوست کې د تبادلې سلګونه دوکانونه تړلي دي

د معمار پرس د خبر له مخې؛ د طالبانو په وروستي محدودیت کې د دې ډلې ځواکونو په خوست ولایت کې د سوداګرۍ د جواز د نشتوالي له امله د تبادلې ټول دوکانونه تړلي دي. دولتي سرچینو ویلي، چې طالبانو له کوم مخکني خبرتیا پرته د تبادلې پر دوکانونو برید وکړ او هغه یې وتړل. د سرچينې د معلوماتو له مخې، د پيسو تبادله کوونکي هم د طالبانو له خوا د زياتو مالياتو د فشار له امله اړ شوي چې خپل کاروبارونه وتړي. د طالبانو دغه اقدام د افغانستان د اقتصادي وضعیت او په سوداګریزو فعالیتونو د محدودیتونو د زیاتیدو په اړه اندیښنې راپارولي دي.