د کاناډا پارلمان په افغانستان کې د هزاره ګانو نسل وژنې په رسمیت وپېژندل

د معمار پرس د خبر له مخې؛ دا خبره د کاناډا د پارلمان د بهرنیو اړیکو او نړیوالې پراختیا کمیټې اعلان کړه چی دا د افغانستان د پخواني پاچا عبدالرحمن خان تر قوماندې لاندې د ۱۸۹۱ او ۱۸۹۳ کلونو ترمنځ د هزاره ګانو په وړاندې ترسره شوي جرمونه په رسمیت پیژني. دغې کمیټې ویلي چې هزاره ګان د حکومت د تاریخي ظلمونو او د طالبانو له واک ته د رسیدو وروسته د دوی د اوسني وضعیت له امله په نړیواله کچه د خپلو کړاوونو د ملاتړ او درنښت مستحق دي. د کاناډا د پارلمان د بهرنیو اړیکو څانګې په خپل راپور کې د عبدالرحمن خان په دوره کې د «د هزاره ګان نسل وژنې» په اړه د څېړونکو او کارپوهانو د شهادتونو یادونه کړې ده. یو شمېر یې چې د کاناډا او استرالیا په پوهنتونونو کې تدریس کوي، ټینګار کوي چې په نولسمه پېړۍ کې د افغانستان د هغه وخت پاچا امیر عبدالرحمن د واکمنۍ پر مهال د هزاره ګانو ډله ییزه وژنه باید په رسمیت وپېژندل شي.