افغانستان له ترهګرو ډلو خوندي ځای؛ تورونه که حقیقت؟

د پاکستان د پوځ لوی درستیز جنرال عاصم منیر د هېواد د خپلواکۍ د لمانځلو په مراسمو کې وویل چې پاکستان له افغانستان سره ښې اړیکې غواړي. د پاکستان د پوځ لوی درستیز په دې مراسمو کې ټینګار وکړ چې د TTP موضوع باید د کابل او اسلام اباد ترمنځ د سړو اړیکو لامل نه شی. هغه زیاته کړه: موږ له افغانستان سره ښې اړیکې غواړو او هغوی ته زموږ پیغام دا دی چې دوی باید د خپل اوږدمهاله او مهربان ګاونډي په توګه د اسلامي هېواد پر وړاندې تحریک طالبان پاکستان ته ترجیح ورنکړي. او د ترهگرۍ پر ضد جگړه کې له مونږ سره یو ځای شئ؛ لکه څنګه چې پاکستان تل ستاسو تر څنګ ولاړ دی. په همدې حال کې د امریکا د لویه جرګې د بهرنیو اړیکو کمېټې هم اعلان کړی چې طالبانو افغانستان د نړۍ په کچه د ترهګرو پر خوندي ځاله بدل کړی دی. دغې کمېټې له هېواده د امریکايي ځواکونو د وتلو د درېیم کال په مناسبت په یوه بیانیه کې لیکلي چې د طالبانو د واکمنۍ پر مهال په افغانستان کې د داعش خراسان څانګې گومارل زیات شوی دی. د دغې کميټې په اعلاميه کې راغلي دي: اوس په خراسان کې د داعش تروريستي ډله په غوړيدو ده او طالبانو افغانستان د ټولې نړۍ د تروريستانو په امن پټنځاى بدل کړى دى. په هیواد کې د ترهګرو ډلو د شتون مسله یوه له مهمو مسلو څخه بلل شوې ده. د افغانستان د گاونډي په توگه پاکستان په دغه هيواد کې د طالبانو د پټنځايونو او تجهيزولو له سياست څخه جدي شکايت لري او تل يې غوښتي دي چې د TTP جنگيالو له ملاتړ څخه لاس واخلي. له بلې خوا نور حکومتونه هم په افغانستان کې د داعش له شتون څخه جدي اندېښمن دي. ځینې ​​په دې باور دي چې داعش په افغانستان کې تجهیز او گومارل کوي او د افغانستان او سیمې امنیت ته یو احتمالي ګواښ ګڼل کیږي. له بلې خوا په کابل کې د ایمن الظواهري وژنې دا فرضیه پیاوړې کړه چې طالبان له ځینو سخت دریځو ډلو سره اړیکې لري او یا یې لږ تر لږه هغوی ته پناه ورکړې ده. پر همدې بنسټ لوېدیځ چارواکي په دې باور دي چې د طالبانو له خوا د کابل په نیولو سره افغانستان د ترهګرو په ځاله بدل شوی او افغانستان او نړۍ ته جدي خطرونه متوجه دي. له همدې امله طالبان په دې تورن دي چې افغانستان یې له سخت دریځو ډلو خوندي ځای کړی او د ځان د خلاصون او هم د خپلو ګاونډیانو او سیمې د راضي کولو لپاره اوږده لاره لري. دغه هدف یوازې د ترهګرۍ پر وړاندې د جدي مبارزې او د سیمې له حکومتونو سره په هراړخیزه همکارۍ کې په عملي اقداماتو سره ترلاسه کېدای شي.